Ĉapelilo
Tajpu per la X-metodo kaj la ĉapeloj aŭtomate aperos.
Apetito

Brasika gulaŝo

Brasika gulaŝo estas densa mezeŭropa manĝaĵo. Malgraŭ tio, ke ĝi origine estas vianda, eĉ veganoj ne devas tute rezigni pri ĝi.

Ingrediencoj por 5 porcioj (konvertilo)

Preparado

Paŝo 1 Preparu la sojan viandon laŭ instrukcioj sur ĝia saketo.

Paŝo 2 Rostu la cepon sur oleo.

Paŝo 3 Kiam la cepo malheliĝos (ĝi devus esti malhela, ne tute nigra), aldonu kuminon, viandon kaj paprikon (paprikon ĉiam post viando) kaj stufu ilin. Eventuale aldonu iomete da akvo.

Paŝo 4 Poste aldonu tomatan saŭcon kaj pli da akvo (ĉirkaŭ 1 litro). Foje kirlu, se necesos aldonu pli da akvo.

Paŝo 5 Aldonu senŝeligitajn kaj pecigitajn terpomojn kaj tranĉitan brasikon. Se vi uzas acidan brasikon, unue lasu terpomojn moliĝi antaŭ aldoni la brasikon.

Paŝo 6 Kuiru ĝis kiam terpomoj moliĝos. Laŭguste aldonu kuminon, pipron, salon kaj/aŭ paprikon.

Gulaŝo estas manĝaĵo devenanta el Hungario. Ĝiaj ĉefaj ingrediencoj estas viando, cepo kaj papriko. Dum jarcentoj oni akceptis gulaŝon ankaŭ en aliaj mezeŭropaj landoj - en Germanio, Aŭstrio, Ĉeĥio kaj Slovakio.

Oni povas fari akran aŭ neakran gulaŝon laŭ ĉies gusto - la akra enhavas akran paprikon, la neakra enhavas mildan paprikon.

Gulaŝon oni servas kun pano, en Ĉeĥio ankaŭ kun knedlikoj (knedlíky).