Beta kiŝo kun nuksoj kaj ŝaffromaĝo

Recepto el Bonan Apetiton en la kategorioj Ĉefaj pladoj, Salaj bakaĵoj

Beta kiŝo kun nuksoj kaj ŝaffromaĝo

Malfacileco: 2/5

Prepardaŭro: 30 minutoj, kuirdaŭro: 50 minutoj

Bongusta sala kuko kun beto, nuksoj kaj ŝafa fromaĝo.

Ingrediencoj por 6 personoj

Murbo (tortofunda pasto): eblas aĉeti pretan aŭ fari ĝin, ekzemple laŭ recepto uzata en cepa aŭ poma torto. Se vi faras ĝin mem, vi povas aldoni kulereton da raspita citronŝelo.
700 g da betoj
2 faskoj de ŝenoprazo
1 kulereto da raspita citronŝelo
100 g da dispecigitaj juglandoj
200 g da acidkremo
3 ovoj
125 g da ŝafa fromaĝo
Salo, pipro, kumino (nedevige)

Preparado
	Paŝo 1Antaŭvarmigu la fornon je 180 °C. Senŝeligu la betojn kaj raspu ilin.
	Paŝo 2Distranĉu la ŝenoprazon en pecetojn kaj aldonu ĝin al la betoj. Aldonu ankaŭ citronŝelon, pipron, salon, kuminon kaj duonon de la nuksoj kaj miksu.
	Paŝo 3En alia ujo miksu la acidkremon kaj la ovojn, aldonu salon kaj pipron.
	Paŝo 4En tria ujo, miksu la ceterajn nuksojn kun la fromaĝo en pecetoj.
	Paŝo 5Displatigu la paston, metu ĝin en rondan ujon por forno. Ŝutu unue la betan miksaĵon, poste verŝu la miksitajn ovojn kaj acidkremon, kaj fine superŝutu per la fromaĝa miksaĵo.
	Paŝo 6Enfornigu la kukon por 50 minutoj.

Presi - Reveni