Paŝo 1 Preparado de la biskvito: apartigu ovoblankaĵon de ovoflavaĵo. Batsmiksu (per miksilo prefere) ovoblankaĵon ĝis blanka ŝaŭmo kaj samtempe iom post iom aldonu sukeron.

Paŝo 2 Daŭre miksu kaj aldonu ovoflavaĵon en la miksaĵon, ĝis la miksaĵo estos homogena.

Paŝo 3 Nun forigu la miksilon kaj delikate aldonu kribritan farunon per kulero. Kaj miksu de malsupre supren ĝis tiu miksaĵo estos homogena.

Paŝo 4 La pasto por biskvito estas preta por baki. Elverŝu la paston en ujon kaj enfornigu je 190–200 °C por 20–25 minutoj (tempo kaj sukceso dependas de via forno).

Paŝo 5 Nun vi havas tempon por prepare la kremon: raspu la ŝelon de la citronoj (gravas uzi nur la flavan parton de ŝeloj) kaj sukigu la citronojn.

Paŝo 6 Aldonu al la suko la raspitan ŝelon kaj sukeron. Aldonu ovojn kaj miksu.

Paŝo 7 Al tiu miksaĵo aldonu la buteron kaj daŭre miksu kaj varmigu tiel: metu la kremon en poton, kiu troviĝas en bolanta akvo en alia poto sur fajro.

Paŝo 8 Tiel miksu kaj varmigu, ĝis la kremo estos densa (kiel acidkremo aŭ jogurto).

Paŝo 9 Kiam la biskvito kaj la kremo estas malvarmaj, vi povas konstrui kukon laŭ via fantazio.