Kapsikaĵo sen viando

Ingrediencoj (konvertilo)

15 ml da oleo
2 mezgrandaj cepoj, hakitaj
3 bulberoj de ajlo, haketitaj
1 verda kapsiko, hakita (dolĉa, milda)
1 ĥalapa kapsiketo (jalapeño), haketita (surhavu gantojn – iam, mi tuŝis mian okulon post kiam mi hakis kapsiketojn – tio doloris!)
1 granda ladskatolo da pistitaj tomatoj kaj 1 malgranda ladskatolo da tomata pureo (rafinita kaĉo)
2,5 ml da muelita koriandro
pinĉo da pimento
10 ml da origano
30 ml da bruna sukero
30 ml da kapsikpulvoro (laŭguste! povas esti la tipo kun aliaj spicoj enmiksitaj)
30 ml da kumino
1/2 litro (jes, mia mezurtaso diras '1/4 litro') da jam kuiritaj faboj (pinta fabo estas la tipo kiun mi uzas; oni kutime sekigas pintajn fabojn por posta uzo)

Paŝo 1 Kirlofritu la cepojn, ajlon, kaj kapsikojn ĝis moliĝo en granda poto.

Paŝo 2 Aldonu la restantajn ingrediencojn, ekboligu, tiam malintensigu la fajron kaj lasu boleti dum 30 minutoj.

Paŝo 3 Surtabligu la kapsikaĵon kun rizo (kutime). Kelkaj el miaj konatoj dispecigas biskvitojn en bovlon da kapsikaĵo kaj enĵetas fromaĝon.

Ĉi tio estas teksasa-meksika (Tex-Mex) plado. Alĝustigu la spicojn laŭguste. La gusto estas intensa......treeee forrrrta ☺