Marmora vanil-ĉokolada ŝtipkuko
Ingrediencoj por 8-10 porcioj (konvertilo)
- 200 g poligona faruno
- 40 g maizfekulo
- 100 g sukero
- 1 saketo da vanilsukero
- 1 saketo da baksodo (ĉ 11 g)
- 80 g vegetaĵa butero fandita (aŭ oleo)
- 25 g sojkremo (aŭ rizkremo ks)
- 100 g pomkompoto aŭ duonbanano
- 1 supkulero da vanilekstrakto
- 50 g vegetaĵa ĉokolado
Preparado
Paŝo 1 Miksi kune sekaĵojn.
Aldoni buteron, sojkremon, pomkompoton kaj homogenigi.
Paŝo 2 Fandi la ĉokoladon.
Ŝalti la fornon je 200°C.
Paŝo 3 Disigi la paston al du partoj (prefere la vanila estus iom pli granda). Al vanila parto enverŝu vanilekstrakton, en ĉokoladan ĉokoladon.
Paŝo 4 En ŝtipbakujo (trabforma muldilo kun kuirpapero por facila malmuldado), verŝi tavolojn alterne el vanila kaj ĉokolada pasto.
Paŝo 5 Enfornigi je 200°C dum 30-40', ĝis tranĉila klingo eliĝas seka el la koro de l' kuko. Malmuldi kiam tutmalvarme.
Tre taŭga por piknikoj ĉar transportebla facile en dorsosako aŭ simile k dispartigebla sen bezono pri telero ĉar sufiĉe firma.
Ne tro sukerita, ĝi tre taŭgas kun varma trinkaĵo aŭ malvarma suko.